Yeh hai Roz ki kahani

Uthkar saare kaam karna,
Gharme kisi ka na hona,
Kyu roz aaine mein ek surat si hai anjani,
Yeh hai iski roz ki kahani.

Raftar bhari zindagi mein,
Iski gaadi dheemi si hai,
Local k hazaro chehro mein ek,
Yeh choti iski kahani si hai.

Kaam ki imandari zindagi se isne sikhi hai,
Jaib mein rupae kam hai lekin,
Rah-guzar logo ki kahaniyo mein,
Isne puri duniya dekhi hai.

Dost zyada nahi hai iske,
Dosti par khoob nibhata hai,
Thak haar kar din bhar se,
Lautkar chaar deewaro mein aajata hai.

Aam si zindagi mein,
Khushiyo ki samajh hai isse,
Din kaisa bhi beeta ho,
Dusro ki fikra hai ise.

Kabhi rah mein mil jae yeh saksh,
Toh kar lena do baat purani,
Tumhari muskaan k peeche hi chupi hai,
Iski yeh roz ki kahani.

– Suri