Khoj

“Roshni jo dil ko chu jae,
Usse dilse utarne na dena,
Mile jo tumhe apna humsafar,
Fir kabhi usse khone na dena – Khoj. “

Befikari mein agar khayal ho,
Toh sochna tum jarur,
Beshak milenge tumhe yaha,
Na jaane kitne gurur.

Aihsas koi shabd nahi,
Jisse bayan kar diya jaye,
Umra beet jaati hai logo ki,
Ab toh isse rehne hi diya jaye.

Khudse rubaru hoone ka maan kare,
Toh aaina dekh lena jarur,
Pehchan pao agar khud ko,
Toh mujhe bata dena tum jarur.

Kyu in deewaro mein daba ja raha hu,
Koi jara bata de mujhe,
Yeh kaha mein chala ja raha hu.

– Suri