Ghar

Chale the manzil ki khoj mein jo, aaj kahi kho se gae hai,
yaado ki potli se kuch yaade nikal kar, aaj ghar khoj rahe hai – ” Ghar ”

Aksar mein ek baat sochta hu,
kyu mein in khayalo mein rehta hu,
jalta hu apni hi lagai aag mein,
uss aag mein diye(deepak) ki baat sochta hu.

Sach hi kehte hai log,
dur kaab tak rahoge ghar se,
gumrah safar par jaab milenge tumhe log,
toh puchna “kya tum bhi bhaage the apne ghar se?”

Mushkil hai aise jeena,
apne sapno ko roz ek naya bahana dena,
sikha hai humne ek naya tarika,
palko par aasu lekar yaha jeena.

Sikayat nai kar sakte,
palat kar ja bhi nahi sakte,
kis cheez se bandhe hai hum yaha khabar nahi,
ab toh fariyad bhi nahi kar sakte.

kitne bhi dur chale jao,
naye taur-tarike sikh jao,
thak kar jaab aakhe band hoti hai humari,
toh ek khayal aata hai ” chalo ab ghar chale jao.”
-Suri