Baate Jo Ki Khudse

Na shaame ho hasin,
Na subah ho khushnuma,
kaha aagae hai hum,
kaha le aaya yeh khumaar – ” Baate Jo Ki Khudse “

Hume toh bahar jaana pasand nahi,
logo se daar nahi lagta,
Bass insaano ki baate hume pasand nahi.

Manzilo ki talash mein aise kho gae hai,
Raahe toh mili,
Magar raaho par kai sath chod gae hai.

Zamane ki ulfat mein Muqaddar (destiny)  ko bhul se gae,
ek seher unse kya mile,
Unki aakho ki chamak mein muqaddar pa gae,

Humare khwabon ki taabir (interpretation) hum hi nahi kar pae,
Lihaz k daayre mein aise kya uljhe,
Khudko khudhi se nahi mila pae.

Hume logo ko hasana behad bhata hai,
dekhi hai duniya jitni bhi,
sabhi ko muskurana bada bhaata hai.

Nikle the hum dilo k baazar mein,
waha garibi kya dekhi,
khud hi neelam hogae.

Hume fakiro se bada lagaav hai,
kisi din unse mile toh jaana,
Ruhaaniyat (soulfulness) bhare maan mein bhi ek ghaav hai.

Yuh toh khudse rubaru  hojae aisa koi waqt nahi,
baate kare bhi toh kisse kare,
Insaano ki baate jo hume pasand nahi.

– Suri